ក្រុមហ៊ុន 3PLE FARMS Co., Ltd. ជាក្រុមហ៊ុនអាជីវកម្មអាហារ និងកសិកម្មបែបរួមបញ្ចូលគ្នា ដែលមានមូលដ្ឋាននៅប្រទេសកម្ពុជា បង្កើតឡើងនៅឆ្នាំ 2016 ដោយវិនិយោគិនគឺជាជនជាតិម៉ាឡេស៊ី ដោយមានគោលបំណងផលិតអាហារដែលមាន គុណភាពខ្ពស់ សុវត្ថិភាព និងមាននិរន្ដរភាពសម្រាប់ប្រជាជនកម្ពុជា។

យើងមានជំនាញក្នុងវិស័យ កសិកម្មចិញ្ចឹមមាន់ កែច្នៃសាច់មាន់ និងចែកចាយផលិតផលអាហារ ដោយដំណើរការតាមរយៈការបើកកសិដ្ឋានចិញ្ចឹមមាន់ទំនើបមួយនៅក្នុងខេត្តកំពត ដែលមានសមត្ថភាពផលិតបានរហូតដល់ 1.2 លានក្បាលក្នុងមួយឆ្នាំ និងមានរោងសត្វឃាតដែលបំពាក់ដោយប្រព័ន្ធដំណើរការដោយស្វ័យប្រវត្តិ ដែលមានទីតាំងស្ថិតនៅខេត្តកំពតដូចគ្នា និងទទួលបានវិញ្ញាបនប័ត្រ HALAL និង HACCP ដើម្បីបំពេញតាមស្តង់ដាសុវត្ថិភាពចំណីអាហារអន្តរជាតិ។ប្រព័ន្ធប្រតិបត្តិការរួមបញ្ចូលគ្នារបស់យើង ធានាបាននូវការគ្រប់គ្រងគុណភាពយ៉ាងតឹងរឹងនៅគ្រប់ដំណាក់កាលនៃខ្សែសង្វាក់ផ្គត់ផ្គង់ផលិតកម្ម។

នៅក្នុងឆ្នាំ 2025 យើងបានពង្រីកវិសាលភាពអាជីវកម្ម បន្ថែមមួយមុខទៀតចូលទៅក្នុងទីផ្សារគឺវិស័យប្រេងដូង ដែលមានគុណភាពខ្ពស់សម្រាប់ចម្អិនអាហារ (Premium Refined Palm Cooking Oil) ដែលជួយពង្រឹងបន្ថែមដល់ការផ្គត់ផ្គង់អាហារជាចាំបាច់នៅកម្ពុជា។

ដោយផ្អែកលើគុណភាព និរន្ដរភាព និងស្តង់ដារអន្តរជាតិ ក្រុមហ៊ុន 3PLE FARMS Co., Ltd. ប្តេជ្ញាចិត្តផ្តល់ជូននូវផលិតផលអាហារដែលអាចទុកចិត្តបាន ដើម្បីបំពេញរាល់តម្រូវការគ្រួសារកម្ពុជា អាជីវកម្ម និងសហគមន៍ ដោយមានទំនុកចិត្តខ្ពស់ និងការយកចិត្តទុកដាក់យ៉ាងហ្មតចត់។